Tolare Berri landa etxea bost logelaz osatuta dago, lau logela bikoitz eta logela bat laukoitzekoa duena. Hauetako bakoitzak bista edota ikuspegi ezberdinez gozatzeko aukera ematen du, kolore berdez jositako mendi ezberdinez zein zelaiez inguratuta baitago etxea. Estiloari dagokionez, guztiak nahiko ezberdinak dira baina badute amankomunean duten bi kontzeptu; bata oso logela erosoak eta atseginak direla eta bestalde, guztiek logela bertan komuna dutela.

Logelaz gain, gure etxeak beste txoko berezi bat ere eskaintzen du, zehazki, portxe itxi bat. Bertan, gure xede nagusia etortzen diren bezero orok lasaitasuna aurkitzea da.

Honetaz gain, etxeko produktuez eginiko gosari zoragarri bat eskaintzen dugu [etxean eginiko yogurtak, bizkotxoak, baserriko esnea eta ogi xigortua, kafea edo tea…]